சிறுகதை அறிமுகம் - எறாக்கறி புறாக்கறி - பாக்கியம் சங்கர்

09.03.2022 தேதியிட்ட ஆனந்த விகடன் இதழில் வெளியாகியிருக்கும் பாக்கியம் சங்கரின் 'எறாக்கறி புறாக்கறி' என்னும் இந்தக் கதை அனைவராலுமே படிக்கப்பட வேண்டிய கதை என்பேன்.

அந்தக் கதையின் ஒரு சிறு பகுதியைக் கூட நான் இங்கே சொல்லப் போவதில்லை. மாறாக, அந்தக் கதையை ஏன் அனைவரும் படிக்க வேண்டும் என்பதற்கான 6 காரணங்களைப் பட்டியலிட விழைகிறேன்.

1. ஆல்பர்ட் ஐன்ஸ்டைன் சொன்னது இது. "இந்த உலகம் மிகவும் அபாயகரமானது. அதற்கு காரணம் யார் தெரியுமா? தீமை செய்பவர்கள் அல்லர். தீமை நடப்பதைப் பார்த்தும் அதைத் தட்டிக் கேட்காதவர்கள்தான்". 'நமக்கெதுக்கு வம்பு' என்று ஒதுங்கிப் போகாமல், தீமைக்கு எதிராகத் தன் உரத்த குரலைப் பதிவு செய்யும் ஒரு ஹீரோவைப் பற்றிய கதை இது.

2. இந்தக் கதையில் ஹீரோ அனுபவிக்கும் வலியை, நீர் குடித்து உயிர் வாழும் நம் எல்லோராலுமே மிகச் சுலபமாக உணர முடியும்.

3. 'இதையெல்லாமா வெட்டவெளியில் பேசுவது' என்று பெரும்பான்மையோரால் கருதப்படக் கூடிய கதைக்கரு இந்தக் கதையை உலக இலக்கியமாக்குகிறது.

4. முக்கால்வாசி கதையைப் படிக்கும் வரையிலும், ஹீரோவின் துயரங்களைக் கண்டு சோகம் வடிக்கும் உங்கள் முகம், க்ளைமேக்ஸ் படிக்கும் போது ஆனந்தப் புன்னகையில் திளைக்கும்.

இப்படியொரு க்ளைமேக்ஸ் நிச்சயமாக அற்புதம். மாஸ்டர் ஸ்ட்ரோக். எதார்த்த வாத கதைகள் இந்த மாதிரிதான் முடிக்கப்பட வேண்டும்.

5. பொதுவாக தீமைகளைத் தட்டிக் கேட்காமல் இருப்பதற்கு நாம் சொல்லும் சால்ஜாப்பு என்னவென்றால், "ஊருக்காக பேசப்போயி, நமக்குத்தான் ஆபத்து வந்து சேரும்" என்பதுதான். இதே மாதிரி ஓர் அறிவுரையை, சோபி என்னும் கதாபாத்திரம் சொல்லும் போது, ஹீரோ சொல்லும் பதில், பல பேரின் மனதை மாற்றும். இன்னும் கொஞ்சம் பச்சையாகச் சொல்லவேண்டுமென்றால், கொஞ்சமாவது ரோஷம் வரும்.

6. ஹீரோ என்னும் வார்த்தைக்கு ஆக்ஸ்‌ஃபோர்ட் அகராதி தரும் பொருள் -  a person who is admired by many people for doing something brave or good. இதில் எந்த இடத்திலும் அந்த ஹீரோ ஆணாகத்தான் இருக்க வேண்டும்  என்று சொல்லவில்லை.

இதுவரை இந்தப் பதிவில் 'ஹீரோ' என்ற சொல் வந்தபோதெல்லாம் உங்கள் மனம் ஓர் ஆணைக் கற்பனை செய்திருந்தால், மன்னிக்கவும்! இந்தக் கதையின் ஹீரோ ஒரு பெண்.

இனிமேல் எப்போதெல்லாம் 'ஹீரோ' என்ற வார்த்தையைப் பயன்படுத்துகிறீர்களோ, அப்போதெல்லாம் அது பெண், ஆண், திருநங்கை, திருநம்பி என அனைவருக்கும் பொதுவான வார்த்தை என்பதை உணர்ந்தே பயன்படுத்துங்கள்.

மீசை முளைப்பது மட்டுமே ஒரு ஹீரோவுக்கான அடையாளம் அல்ல.

இந்த உலகம் பெண்களும் வாழத் தகுதியான இடமாக மாறட்டும். இல்லையெனில் உச்சியில் குட்டி அதனை மாற்றும் வல்லமை 'எறாக்கறி புறாக்கறி' விற்கும் தனம் போன்ற ஹீரோக்களுக்கு உண்டு.

உலகை அழகாக்கும் பெண்கள் யாவருக்கும் உலக மகளிர் தின வாழ்த்துகள்.

-திருஞான சம்பந்தம்,
சிற்றோடை.
08.03.2022.

Comments

Post a Comment

Popular posts from this blog

எங்களைத் தற்குறிகள் என்று சொல்பவர்களுக்காக.

"தமிழ்நாட்டின் தலைநகரம் சென்னை." "நண்டு படத்தை இயக்கியவர் மகேந்திரன்." மேற்காணும் இரண்டு கூற்றுகளும் உண்மைகள் (facts).   அழகம்பாளையம் தனசேகரிடம் கேட்டாலும் அதைத்தான் சொல்லுவார், அஞ்சானூர் தமிழன்புவிடம் கேட்டாலும் அதைத்தான் சொல்லுவார். (தமிழ்நாட்டின் தலைநகரம் மதுரை என்று தவறாகச் சொல்பவர்களும் இருப்பார்கள். அதுவும் உண்மையில்லை. தலைநகரம் சென்னை என்று தெரிந்தும் ஒருவர் அப்படிச் சொன்னால் அது பொய்.)   இன்னும் இரண்டு கூற்றுகள். "சென்னை ஓர் அழகான ஊர்." "நண்டு  படம் நன்றாக இருக்காது." இந்த இரண்டு கூற்றுகளும் கருத்துகள் (opinions). தனசேகரைப் பொறுத்தவரை சென்னை அழகான ஊராக இருக்கலாம். ஆனால், தமிழன்பு அதை ஓர் அழகற்ற ஊரென நினைக்கலாம்.  அதேபோல்தான் நண்டு படம் குறித்த கருத்தும்.  ... பொதுவாக வாக்குவாதங்களில் தத்தம் கருத்துகளைச் சொல்பவர்கள் செய்யும் தவறுகள் இரண்டு. 1) அவை தம்முடைய கருத்துகள் மட்டுமே என்பதையோ, தன்னுடைய கருத்து என்பதாலேயே அது உண்மையாக இருக்க வேண்டிய அவசியம் இல்லை என்பதையோ ஏற்க மறுப்பது. 2) கருத்துகளை நிறுவ உண்மைகளைச் சொல்லாமல், மேலும் தங்களுடைய கரு...
The Red Pill

என் ஆசிரியர்கள்

ராமசாமி வாத்தியார் அயலூர் ஊராட்சி ஒன்றியத் துவக்கப்பள்ளி, நாமக்கல் பாளையம் - என்ற சொற்றொடரைப் படித்து முடிப்பதற்குள்ளாகவே முழுப் பள்ளிக்கூடத்தையும் சுற்றி வந்து விடலாம்.‌ அவ்வளவு சிறியதுதான் நான் படித்த பள்ளி. அங்கே எங்களுக்குப் பாடம் சொன்ன ஆசிரியர்களில் மூவர் மட்டுமே என் நினைவில் நிற்கிறார்கள். அதில் முதலாமவர் ராமசாமி வாத்தியார்.  அவருக்கு அறுபது வயதுக்கு மேல் இருக்கும். பத்து வயதுக்கும் கீழிருந்த குழந்தைகளுக்கு அறுபது வயது ஆசிரியர் என்பதே எவ்வளவு அழகான சூழ்நிலை! அவருக்கும் எங்களுக்குமான உறவு, ஒரு தாத்தாவுக்கும் பேரப் பிள்ளைகளுக்குமான உறவாகவே இருந்தது.  வெள்ளை வேட்டி சட்டையில்தான் வருவார்; எங்களுடன் சேர்ந்து க்ரிக்கெட் விளையாடுவார்; 'கொல கொலயா முந்திரிக்கா' என்ற விளையாட்டை எங்களுக்கு சொல்லித் தந்தவரும் அவரே.   எவ்வளவு சிரத்தையெடுத்து யோசித்தாலும், அவர் எங்களுக்குப் பாடம் நடத்தியதான நினைவு ஒன்று கூட வரவில்லை. பிறகு என்னதான் செய்வார்? கதைதான். ஒன்று முதல் ஐந்தாம் வகுப்பு வரையிலான குழந்தைகள் அனைவரையும் சேர்த்து மொத்தப் பள்ளியின் மாணவர் எண்ணிக்கையே முப்பதோ நாற்பதோதான் இ...
The Red Pill

நீதி வென்றுகொண்டுதான் இருக்கிறதா?

இப்போது தீர்ப்பு வந்துள்ள ஜெயராஜ் பென்னிக்ஸ் வழக்கை எடுத்துக்கொள்வோம்.  அந்த வழக்கில் குற்றம் நிரூபிக்கப்பட்ட ஒன்பது காவலர்களுக்கும் இரட்டை மரண தண்டனை வழங்கப்பட்டுள்ளது.  இதை வாட்ஸேப் ஸ்டேட்டஸில் பதிவிடும் பலரும் "நீதி வென்றது" என்று பதிவிட்டு வருகிறார்கள்.  முதலில் எதிலெல்லாம் எனக்கு மாற்றுக்கருத்து இல்லை என்பதைச் சொல்லிவிடுகிறேன். தவறு செய்தவர்கள் தண்டிக்கப்பட வேண்டும்.‌ அவ்வாறு தவறு செய்தவர்கள் தண்டிக்கப்படும்‌ போது அது பாராட்டப்பட‌ வேண்டும்.  அதிலே இரண்டாம்‌ கருத்தே இல்லை.  இப்போது தண்டனை என்பதன் நோக்கம் என்ன என்று பார்ப்போம்.  பள்ளிக்குள்ளே குப்பை போட்டால் பத்து ரூபாய் அபராதம் என்று வைத்துக் கொள்வோம். அதன் நோக்கம் பத்து ரூபாயை இழப்பதற்கு அஞ்சி யாரும் குப்பை போடக்கூடாது என்பதேயொழிய, அந்தப் பணத்தை கூலியாட்களுக்குக் கொடுத்து குப்பையை அள்ளிப் போடலாம்‌ என்பதல்ல. இந்த உதாரணத்தில் பிரச்சினை குப்பை இல்லை. குப்பை போட வேண்டும்‌ என்று ஒருவர் மனதில் தோன்றும்‌ எண்ணமே தீர்க்கப்பட வேண்டிய பிரச்சினை. தொடர்ந்து நூறு வருடங்களுக்கு அந்தப் பள்ளியில் தினந்தோறும் பத்து பத்த...
The Red Pill